<div id="MiddleColumn_internal"> <div class="plain"> <h4>पहिले अपील कधी करावे</h4> <ul style="text-align: justify; "> <li>जर लोकमाहिती अधिकार्याने तुमचा माहिती मिळवण्यासाठीचा अर्ज फेटाळला असेल तर</li> <li>जर सरकारी अधिकारी ३० दिवस किंवा ४८ तासांच्या* आत माहिती पुरवण्यास असमर्थ असेल तर</li> <li>जर सार्वजनिक आस्थापनाने माहितीचे अर्ज स्वीकारण्यासाठी किंवा माहिती पुरवण्यासाठी सहाय्यक लोकमाहिती अधिकारी/लोकमाहिती अधिकारी नियुक्त केला नसेल तर</li> <li>जर सहाय्यक लोकमाहिती अधिकार्याने तुमचा माहिती मिळवण्यासाठीचा अर्ज स्वीकारण्यस किंवा लोकमाहिती अधिकार्याकडे पाठविण्यास नकार दिला असेल तर</li> <li>जर लोकमाहिती अधिकार्याने दिलेला निकाल समाधानकारक नसेल तर</li> <li>दिलेली माहिती अपूर्ण, चुकीची किंवा दिशाभूल करणारी आहे असे वाटत असेल तर</li> <li>जर सरकारी अधिकार्याने माहितीचा अधिकार अधिनियम २००५ अंतर्गत माहिती देतांना घेतलेली फी अवाजवी आहे असे तुम्हाला वाटत असेल तर</li> </ul> <h4>पहिल्या अपीलासाठीची मुदत</h4> <ul style="text-align: justify; "> <li>राज्य/ केंद्रीय लोकमाहिती अधिकार्याने केलेला शेवटचा पत्रव्यवहार (निकाल किंवा विनंती नाकारल्याचे पत्र) मिळाल्याच्या तारखेपासून किंवा ठरवून दिलेली तारीख उलटल्यावर ९० दिवसांच्या आत</li> <li>अपीलकर्त्याला माहिती न देण्याचे कारण प्रथम अपीलीय अधिकार्यास मान्य असल्यास ९० दिवसांनंतर ही अपील करता येते.</li> </ul> <h4>पहिल्या अपीलासाठी अर्ज लिहिणे</h4> <ul style="text-align: justify; "> <li>एका पांढर्या कागदावर तुमचा अर्ज लिहा </li> <li>अर्ज हस्तलिखित किंवा टंकलिखित ही असू शकतो.</li> <li>अर्ज इंग्रजी किंवा हिंदीत (केंद्रीय माहिती आयोगाकडे पाठवायचा असेल तर) किंवा त्या विशिष्ट राज्याच्या (राज्य माहिती आयोगाकडे पाठवायचा असेल तर) अधिकृत भाषेत असावा.</li> <li>हवी असलेली माहिती अर्जात विहित नमुन्यात स्पष्टपणे नमूद करावी.</li> <li>विनंतीअर्ज, फी दिल्याचा पुरावा, लोकमाहिती अधिकार्याने दिलेली पोचपावती, अर्जावर दिलेला निकाल, इ. कागदपत्रांची स्वसाक्षांकित छायाप्रत अर्जासोबत जोडा.</li> <li>प्रत्येक कागदपत्राच्या छायाप्रती तयार करा आणि त्या स्वतःच्या संदर्भासाठी जपून ठेवा.</li> </ul> <h4>पहिला अपील अर्ज कोठे पाठवावा</h4> <ul style="text-align: justify; "> <li>अर्ज त्याच आस्थापनाच्या प्रथम अपीलीय अधिकार्याकडे दाखल करावा.</li> <li>श्रेणीमध्ये प्रथम अपीलीय अधिकारी लोकमाहिती अधिकारी आणि सहाय्यक माहिती अधिकारी यांच्यापेक्षा वरिष्ठ दर्जाचा अधिकारी असतो जो आवश्यक ती माहिती पुरवितो किंवा अर्ज नाकारू शकतो.</li> <li>पहिला अपीलीय अर्ज दाखाल करताना त्यावरील प्रथम अपीलीय अधिकार्याचे नाव, फी, फी देण्याची पद्धत तपासून पहा. (काही राज्यांमध्ये पहिले अपील मोफत असते तर काही राज्यांत त्यासाठी फी आकारण्यात येते.)</li> </ul> <h4>पहिला अपील अर्ज कसा पाठवावा</h4> <ul style="text-align: justify; "> <li>अर्ज केवळ रजिस्टर पोस्टाद्वारेच किंवा स्वहस्तेच पाठवावा.</li> <li>कोरियर सेवा वापरणे टाळा.</li> <li>तसेच अर्जासोबत पोचपावती देखील जोडा.</li> </ul> <h4>माहिती पुरविण्यासाठी कालमर्यादा:</h4> <ul style="text-align: justify; "> <li>सर्वसामान्य प्रकरणांच्याबाबतीत निर्णय साधारणतः ३० दिवसांत दिला जातो. अपवादात्मक स्थितीत ही मर्यादा ४५ दिवसांपर्यंत जाऊ शकते.</li> <li style="text-align: justify; ">प्रथम अपीलीय अधिकार्याकडे अर्ज पोहोचल्याच्या दिवसापासून निर्णयासाठी कालमर्यादा मोजली जाते.</li> </ul> </div> </div>